شعر: صلاح جاهين
و حفاير الفيوم
جبانة م الزمن العتيق
مشهورة بالصناديق
و عليها بالألوان صور مخاليق
كاهن. مراكبى. ست بيت. تاجر
بنية حلوة. عسكرى. شاعر
صور بشر أيامهم إنحسرت
مداينهم إندثرت
توابيتهم إنكسرت
ما فضلش منهم غير وشوش
بيبصوا نفس البصة
و بيحكوا نفس القصة
مستغرقين فى الموت بلا غصة
و فى الخلود
رايحين
زى اللى فى الجرنال
فى صفحة الموتى
قلت الشبه من أين يتأتى؟
قالوا عشان الكل مصريين
الكل مصريين
الكل نفس الهوية
نعى المطارنه جنب نعى الشيوخ
طالبين سوا الرحمة الإلهية
طالعين سوا أمجاد سماوية
فى وحدة أبدية
ما تعرف الطايفة المسيحية
م الإسلامية
تشهد صورهم جنب بعضيهم
فى الأعمدة السودة البكائية
بإن دى.. هى ديا..
كل سنة و مصر حرة و كريمة و بهية
بمناسبة ذكرى عيد
ميلاد المسيح
وعيد الاضحى المبارك
Yahoo! Photos – Showcase holiday pictures in hardcover
Photo Books. You design it and we’ll bind it!
Offline 
Send Email