Sa tanang mga sakop ning maong grupo,

Salamat nga dunay nagpasiugda ning maong grupo. Tuod, usa ako sa mga
staff sa Bisaya magazine. Kon unsa may inyong komentaryo o kaha
suhestiyon bahin sa nanggawas na ilabi na sa mga sugilanon, nobela o
kaha balak, andam ming maminaw.

Mahimo pod natong tudloan dinhi ang binsan kisang buot makat-on sa
pagsulat og sugilanon, balak, artikulo, gumalaysay nga mahalin sa
publikasyon (publishable materials)aron mahimong kabahin sa Bisayang
katitikan.

Ako lang i-plug dinhi ang umaabot nga mga sugilanon sa Bisaya. Atngi
ninyo ang "Ilig" ni Nards Melendres nga bahin sa pakigbisog sa usa ka
tawo nga dili buot malupig sa edad.

Duna poy suryal nga balak si Ric Baladjay nga nag-ulohan og "Sundog".
Sa wala masayod, si Baladjay anaa na karon sa Amerika. Usa siya ka
magbabalak nga way kakapoy sa pagsuwat og mga balak nga experimental.
Lakip sa iyang mga obra maestra ang "Odesiya Kosmika" ug "Komposisyon
38".

Ako lang unyang i-plug dinhi ang uban pang taligawas.

Tomas