Bay Akoy,
Ang "Madyong" kabahin na kadto sa Cebuano Literary History. Wa nay masubay kay nalalang na. Wa na koy labot niadto. Nahimo na kadtong bahandi sa atong kultura ug bisan ako dili na makapangangkon nga ako gyod. Tingali isip tagsulat lang. Isip tinugyanan sa gasa sa panulat. Kay ang usa ka buhat sa arte panag-iyahon man gayod sa kutay sa iyang tribu. Ang tribu sa usa ka artist maoy mag-amping niini kay ang artist usa ka tawong latagaw, linga kaayo sa iyang pagsilibudhay niining kalibotan.

Sa matag lalang nako og mga sugilanon o bisan unsa na lang nga makakabig sa akong pagbati, batyagon nako ang garbo sa atong tribu. Salingtuod kining gugma ko. Nagsukad kini sa kinapusoran sa kalawran sa akong imahinasyon.

Naglalang na sad ko rog bag-o. Dunay working title nga "Signos". Usa ka mahika-reyalistang matang sa sugilanon. Sa akong han-ay, dunay usa ka dapit nga gihugpaan og epidemya. Dili nila kapugngan ang pagduwa sa pilik-pilik. Hasta ang mayor sa ilang dapit miapil na sab og duwa kay epidemya god, kanat kaayo ang maong sakit. Di na sila makatulog, ug nalibon ang ilang mga uma kay dili nila kapugngan ang pagdula sa pilik-pilik. Hasta sab ang pari, nataptan sa maong sakit. Unya dunay mitungha nga manluluwas, kon kinsa ni siya, dili ko lang ikaasoy hangtod nga kini mahimugso sa akong pluma.

Dili maihayop ang akong imahinasyon. Morag mananap nga di maanad. Magpasagad lag rumbo. Ang di katuohan buot nakong katuohan kaayo pinaagi sa gahom sa pulong ug sa kamakadani sa kaasoyan.

Ug pinaagi niini, ang tawo makakita kinsa diay siya taliwa sa mga suliran.

bay tomas

Akoy <akoyako@...> wrote:

Salamat Bay,

Mibuklad sa atbang ning kahimatngonan ang imong sugilanon: Madyong

sa pagkatutok sa gitagik nga mga titik: Byutipul

Nahimuot kaayo ko sa pamahaw nako ron, kape ug tinapay, gipalaman og mga
asoy
ni Butchoy.

:-)Naukab nako sa kaban sa bisaya_readers ang maong sugilanon,nakalingiw
ko ani ug wala
makit-an, kay galawig ko adtong panahon sa pagpatilaw nimo sa maong
sugilanon.

Ipaambit pod nato to bay sa Lunsayng Bisaya. Basig wala pa sila katilaw
og unsay inato nga lami.

matahom nga byutipul!

Akoy

Tomas Sumakwel wrote:
>
> Byutipul!
>
> */Akoy /* wrote:
>
> *Can You Hear **Mindanao** Calling?*
>
> *
> *I pick up the bamboo flute
> To hear what's inside
> My breath becomes music
> The melody melancholic
>
> My soul is lamenting.
>
> Mindanao is calling
> She's calling her children home
> To enjoy beauty
> Of her plains, mountains and seas
>
> To hear the stories of the land.
>
> Songs of Mindanao
> Muffled by rattling guns
> Keep the rhythm, brave one
> Of her love poems, the rhyme.
>
> She is singing, “Kalinaw Mindanao”.
>
> Akoy
> 2008.01.12**
>
>
>
>
> Yahoo! Groups Links
>
>
>
>
> ------------------------------------------------------------------------
> Be a better friend, newshound, and know-it-all with Yahoo! Mobile. Try
> it now.
>
>
>




Yahoo! Groups Links

<*> To visit your group on the web, go to:
http://uk.groups.yahoo.com/group/bisaya_readers/

<*> Your email settings:
Individual Email | Traditional

<*> To change settings online go to:
http://uk.groups.yahoo.com/group/bisaya_readers/join
(Yahoo! ID required)

<*> To change settings via email:
mailto:bisaya_readers-digest@...
mailto:bisaya_readers-fullfeatured@...

<*> To unsubscribe from this group, send an email to:
bisaya_readers-unsubscribe@...

<*> Your use of Yahoo! Groups is subject to:
http://uk.docs.yahoo.com/info/terms.html

---

Looking for last minute shopping deals? Find them fast with Yahoo! Search.