malipayon kaau ko sir. nidagan gyud ko's lim's magazine stand sa 7arts para maka grab og copy kay avid reader gud ko. wala pa ko nagskul kabantay naman ko sa akong mga ginikanan read jud sila BisMag, nya kadto kamao nako mobasa BisMag man gyud og mga uban pang komiks akong praktison og basa usa tong big books...karon naa na jud ko'y akong tampo.....hay salamat gyud tawon...pwerte jud nakong gara-a diri gipaibog nako akong mga ofismates. nindota gyud aning feeling sa mapatik oi. maskin naa ko work sa newspaper pero lahi ra gyud kon idol nimo ang basahon nya naa na kay contribution, kalutawwwwwwww jud sa feeling. natural high! salamat BisMag.

tinood akong gigamit sir kay street language na jud with matching shodi-shodi nga mga binayot na kay ang mga tawo diri mas appealing man ang imong artikulo kon mga kanto language and mga faggot's language/swardspeak ang gamiton. maskin akong tambagi ko beh kolum sir sa banat mao pud ni-hit gyud tungod sa mga punchlines nga mga shoyotz kaau...

dako akong problema karon kay naanad ko spell KALIBUTAN ug NASUD...nya kalibotan man diay na ug nasod. mao jud na akong probs ra ba sir di na ko conscious ana basta akong role as a writer, patuyang lang gyud ko'g type based on naandan nako nga nakat-unang spelling. maskin gani ang OG ug UG sir, malibat pa man gani kow hee hee, magkabaylo-baylo gyud.......nya samotan pa's text lingo ug online/real-time chat lingo......natiwas ka murder........

Innocencio Dalisay <egaytalipsaimb@...> wrote:

Pinay,

 

Tingali nabasa na nimo ang balak sa Bismag. Pagpadala og bag-ong tampo. Bisan unsa, balak, artikulo, sugilanon o nobela ba.

 

Maayo na man kang mohan-ay sa Binisaya, hinuon, naa lay ginagmayng usbonon, tungod sa lahi nga impluwensiya sa Binisaya karon sa kabatan-onan (medyo naabusohan o na-murder nga Binisaya) kay sa tinuod lang, gramatically incorrect na ang Binisaya karon sa katawhan.

 

Hinuon, dili sad matawag nga sayop gyod nang Binisaya sa kabag-ohan, ug kini depende na lang sa tingog sa tagsulat ingon man sa hustong pagpasibo sa mga lagda nga among gitamdam sa Bismag.

 

Kon nakamatikod ka, kasagaran sa komun nga mga Bisdak (dili writer) mosulat sa Binisaya sa paagi sa Tinagalog o kaha English. Maoy hinungdan nga magyagaw lang ang spelling sa atong Binisaya.

 

Apan sa mga nasayod ug nagtamod sa lagda sa pagsulat sa Binisaya, kini dako kaayog kalainan sa Tinagalog ug Iningles. Ug kini nga lagda maoy gitamdan namo sa pag-edit alang sa Bismag.

 

Tan-awa ni:

http://ceb.wikipedia.org/wiki/Wikipedya:Lagda_sa_Paggamit_sa_O_ug_U

 

 

pinay mangatkatay <pinay_mangatkatay@...> wrote:

hala salamat sirrrrrrrrrrrr, excited na ko dah. birthday gift jud na nako sir......as in oct 12 man ako birthday. dako kaau kog utang kabubut on sa mga magsusuwat ug mga maglilindog sa bisaya mag oi nga nag ugmad sa atong pinulungan kamo jud ako gibuhat nga morag dictionary nako diri labi na sige ko suwat for BANAT, grabeeeeee karon naa na jud koy akong work makita.....salamat sa opportunity sir.........

 

please kon naa ka time tan-awa sir ug korekshioni ang akong mga gipang draft, naa gipang post sa pinaymangatkatay.multiply.com ug www.bisdakzoundz.blogspot.com......

 

salamat bismag!!!

Innocencio Dalisay <egaytalipsaimb@...> wrote:

Day Pinay:

 

Hello! Mogawas ang imong balak sa Bismag karong sunod semana... Oct. 18, issue. Tan-awa nya...

 

Edgar

pinay mangatkatay <pinay_mangatkatay@...> wrote:

Ang pagsulbong sa Aggressive Audio

Tinagik ni Maria Eleanor Elape Valeros

Mga hulagway tinampo

 

          Makabungog ang nadawat nga pakpak sa bandang Aggressive Audio sa dihang sila nagpasundayag isip Artist of the Month sa Handuraw Events Café diha sa barangay Mabolo, ning dakbayan sa Sugbo niadtong unang Sabado sa Marso. Nagpunsisok ang ilang mga magdadayeg nga gilangkoban sa mga kabatan-unan gikan pa sa Cabantan, Mabolo ug diha pay gikan sa Talamban ug sa dakbayan sa Lapu-Lapu.

          Hagip-ot ang entablado sa Handuraw mao nga nagmantinil na lang ang lima ka sakop niini sa unsa pa mang espasyo nga nabilin aron makaikid-ikid, makasadsad ug “makabunal” sa ilang mga kanta nga Bisrock (Bisaya rock) kay diha na sa ilang atubangan nag-alirong ang mga fans nga kuwang na lang moilog sa mikropono ug maoy motiwas ug kanta.

          “Wala ba mo sapota niining matang sa kinaiya sa inyong mga magdadayeg nga mosapaw na lang hapit ug mangibot sa mga wire sa inyong gitara?,” akong gipangutana ang lima sa dihang nahinabi nako sila sa Ayala Botanical Gardens, ilawom sa mga kahoy’ng akasya, kauban ang ilang manager nga si Ysai Perez.

          “Makasapot man tinood labi na kon ang pagpangibot mosangpot na nga mayabag na noon among mga instrumento, pero kon wa pa ni sila wala untay Aggressive Audio. Labi na ug pareha sa Handuraw nga gamay ang lugar nya magkiat sila, dili na mi katarong ug perform, maayo unta kon naa mi’s outdoors kay okey ra, pero kay fans man lagi igo na lang mi moutong,” pamulong ni Eugene Corpin, ang bokalista sa Aggressive Audio.

          “Nahunahuna namo nga kon di pa ni sila sipat, dili pud mo-click among kanta kay sinipat sad baya ni among mga kanta, so natural na lang nga ang among audience mga bugoyon pud,” dason pa ni Sidney Alburo, laing sakop sa banda.

            Giila ni Eugene nga kining mga magdadayeg nga maayo na kaayong mo-birit sa ilang mga kanta maoy nakatabang pagpasulbong sa pangalang Aggressive Audio. Napamatud-an ang suporta sa ilang mga magdadayeg sa dihang human sa pag-isa kanila isip usa sa mga kinaham ug hugyaw nga banda nga ang basihan mao ang mga requests sa ilang mga kanta nga patukaron sa 93.1 Smash FM-Cebu’s Rock Fortress, giisip na usab sila nga Artist of the Month sa Handuraw, usa ka pundokanan, tambayanan ug hugopanan sa tanang matang sa artists.

 

Kining maong pagpili kanila isip Artist of the Month base sa mga botar gikan sa ubay-ubay nga nagsunod kanila nga larino nang makahubit ug makakanta sa mga lyrics sa “Senior Citizen” aka “Ang Tiguwang”, ug sa lain pang matawag nga hit tracks sama sa “Lingin” ug “Kugmo” nga nilangkob sa ilang debut album “Pwerteng Lingina”.

 

Ang “Pwerteng Lingina” usa ka paagi sa pundok isip pagtuki sa mga butang nga lingin nga naglibot kanato nga matawag ug salamin sa atong kinabuhi nga nagtuyok.

 

Gawas sa pagsaksi sa pag-abot na sa panahon sa Bisdak rock gumikan sa nagkainit nga musicality sa mga local independent rock artists ug sa mga magdadayeg niining matang sa music style niadtong Marso 4 atol sa Bisrockers night sa Handuraw, usab akong nasaksihan kon giunsa sa Aggressive Audio, nailang experimental/blues/jam band, pagdani ug pag-aresto ang pagtagad sa mga mahiligon sa Bisrock.

 

Silang Eugene Corpin (vocals), Randolf Silvano (lead guitars), Sidney Alburo (rhythm), Joel Ablanque (drums) ug Vincent Ngalis (bass) wala magdahom nga balik sa ilang yanong sinugdanan sa dihang sila gitawag pa ug Teenage Chaos, mamahimo silang ingon niini ka agresibo may kalabutan sa ilang musika nga nakapakanlat sa atensyon sa mga tigpaminaw gikan sa sagad langyaw nga paningog ngadto sa Bisrock.

 

Usa ka matawag ug musical struggle alang sa Aggressive Audio nga likayan ang sobrang kagaan sa Bisdak nilang mga kanta nga typical sa novelty nga istilo sa musika. Apan dili kini malikayan kay ang mga sakop sa Aggressive Audio natural nga mga komikero, ug kining kagaan sa ilang kanta daw gapas nakapahimo sa ilang mga mugna nga daling nakatuhop sa alimpatakan sa mga tigpaminaw. Dali masakyan ang lyrics ug tuno sa mga tracks sa album tungod kay kini audio-friendly man.

 

Sama pananglitan sa “Medya Galon” nga kon buot hunahunaon daw yano lamang kini nga pag-ihap nga ingon ug countdown susama sa paghatod sa natad sa siyensa ug laboratoryo ngadtos kawanangan. Ang “Medya Galon” nakapagitik sa akong gusok ug nakapahurot sa akong kusog ug ginhawa sa pag-apas ug ihap sa kantang may kalabutan sa mga manginomay ug tuba.

 

Sugdi sa “ang baynte nahimong baynchingko,” ug ang pag-ihap mahitabo sa paatras nga pamaagi, nga matapos sa “dos, uno, y medya” ug dayong bunal sa katapusang pulong nga inubanan ang pwersa alang sa igong kinahanglanong impact sa “galon!” Ug karon duwa-i sa imahinasyon nga anha pagasugdan ang paatras nga pag-ihap gikan sa “ang baynchingko nahimong singkwenta”. Tan-awon nako kon asa kutob ang bulhot sa inyong gininhawa sa pag-roll back sa mga numero nga mouli sa “dos, uno y medya… galon.” Bisan tuod ug matawag ug linawgaw, apan sa mga nagkalingaw nga Bisrockers niadtong gabii sa ilang pasundayag, lakip ang akong kasingkasing nga nag-jogging sa ilang gibuhat. Ug kon ikaw rockista nang daan, dayag na lang nga ang matag bunal sa drums maka-uyog sa imong paghatag ug bili sa lokal nga talento.

 

Ang “Lingin, Tangkong, Hanggang Kailan, ug Feeling Lang” pipila lamang sa mga kolaborasyon sa pagtagik ug liriko nilang Eugene ug Sidney kansa mipasiaw nga wala silay suliran mahitungod sa pagsulat sa lyrics, aduna lang pag-abot sa mga chicks.

 

Sa pagtan-aw ug balik sa ilang naagian, nahibaw-an ning tagsulat nga sa usa ka band showdown diin si MC Rey sa local rap-hiphop group Brownian Method dili makalitok ug tarong sa pulong “chaos” sa ilang karaan nga ngalan - ang Teenage Chaos, mao nga sa dihang pag-anunsiyo niya iyang gibunyagan ang pundok ug Aggressive Audio.

 

Wala mamarog ang Teenage Chaos sa pagtoo nga dunay laing banda nga gitawag, apan sa dihang gisenyasan silang MC Rey nga sila mao na ang sunod motukar, didto na nagsugod nga nakatatak na ang maong pangalan kanila.

 

Si Eugene ug ang kanhi lead guitarist nga si Archie Uy nagsugod isip mga kolitos dihas Mabolo Parish Church ug tungod kay katalirongan man sila diha sa Mabolo, normal na lang nga magtukar-tukar sila may kalabutan sa mga kanta sa simbahan.

 

“Kanang Senior Citizen play-up jud na siya sa usa ka charismatic song kay nindot man gud ug tuno nya okey ra pud dali siya masakyan,” pagpasabot pa ni Eugene mahitungod sa Bisrock chartbuster nga “Senior Citizen”, nga gianggaan ug “Ang Tigulang”.

 

 “Ang Tigulang bisan bako, maningkamot, mobarog, motindog, aron molabyog,” singgit sa kinabag-an atol sa Bisrockers night sa Handuraw nga miwara-wara sa ilang mga kamot ug mitagtag sa ilang mga ulo ug misadsad sa ilang mga tiil atol sa gihimong pasundayag sa Aggressive Audio.

 

Wala palandunga sa Aggressive Audio nga maabot sila ug ingon niini na kalayo may kalabutan sa gilawmon ug gilapdon sa ilang musika, nga gilarawan nilang “pakatok ra lagi wa gyud mi motoo nga mo-click ni”. Apan silang tanan nagkahiusa sa pag-ingon nga layo rang makab-ot sa grupo kining maong kalampusan kon wala pa si Archie kansang presensya ana-a lang gihapon bisan pa man ug ato-a siya gawas sa nasud nagtrabaho. 

 

“Naka-promise mi ni Archie nga di mabungkag ang band,” nagkanayon si Sidney, “so that wherever the road may take us, we vowed to be intact, as Archie also promised to join us as soon as he comes home. Kay mao ra gyud ni iyang gusto nga tibook lang gihapon ang iyang nasugdan.”

 

Apan sa wala pa molarga si Archie, nakaabag siya sa recording sa upat ka kanta diha sa Backyard Studio Project, ug mapasalamaton kaayo sila kang Micmic Demetrio, kini nahibal-an ning tagsulat gikan sa manager sa Aggressive Audio nga si Ysai Perez. Kining upat ka mga kanta nilangkob sa ilang ikaduhang album nga wala pa mapahaumi ug titulo.

 

Usab, ang pundok mapasalamaton nilang DJ Ramil Dizon ug Segundo “Bré Ambungan” Abrea, Jr. sa 93.1 Smash FM sa pagpakanaw-kanaw sa kahanginan sa mga requests sa mga Bisrocker fans. Si Randolf mapasalamaton sa tanang taga barangay Taytay, Badian sa ilang suporta, samtang si Joel magpasalamat sa tanang kahigalaan ug kasilinganan sa Guadalupe nga sila nihangop sa musika sa Aggressive Audio.

 

Si Sidney, Eugene ug Vincent gusto magpasalamat sa tanan nilang mga magdadayeg dihas Cabantan, ug labaw sa tanan sa ilang manager nga si Ysai Perez nga maoy nabundakan sa tanang “dirty works”.

 

Ang Aggressive Audio aduna nay nabuhat nga mga pasundayag sa Casbah sa FGU sa Ayala ug matag pasundayag nila dili gayud malikayan nga makamugna ug labi pang paghangop sa Sugbuanong pinulongan.

Dayag na lang nga ang Aggressive Audio agresibo kaayong mipakatap sa paghatag ug bili sa tam-is nga pinulongan sa habagatang bahin sa Pilipinas.

 

Sa gustong makabaton ug kopya sa ilang CD balor ug P150, lakat sa JB Music sa SM City Cebu o sa Kahayag Café (igsoong establisamento sa Handuraw Events Café). Dugang impormasyon ana-a sa www.myspace.com/aggressiveaudio. Ug sa gusto modapit sa Aggressive Audio sa ilang lugar, pakigsabot kang Ysai Perez sa 09189493911. (Kining maong artikulo namantala usab sa BANAT NEWS HUGYAW niadtong Marso 16.)

Innocencio Dalisay <egaytalipsaimb@...> wrote:

Pinay:

 

Ang HILIGAYNON mag Hinilonggo ug ang BANNAWAG inilokano usab sama nga ang BISAYA mao ang Binisaya.

 

Kon gusto ka mosubskriber, sulayig inquire diha sa Manila Bulletin Cebu Branch namo sa D. Jakosalem (Parian), duol man tingalis UV.

 

Sige.

pinay mangatkatay <pinay_mangatkatay@...> wrote:

salamat kaau sir sa imong pagtagad. andamon lang pud nako ring ubang materyales para sa reconstruction nga akong pagahimoon. i regards lang pud kos akong mga idols nga silang narciso caparoso, rod lofamia ug nar cantillo - mga kwentista ug dibuhista. nagsusi pud diay ko sir kon unsaon maka subscribe aning bannawag ug hiligaynon kay mas maayo nga magbasa ko aning mga pulonga sa inyong publikasyon gyud kay maayo pagka edit. salamat kaayo........

Innocencio Dalisay <egaytalipsaimb@...> wrote:

Pinay,

 

Sige, Day, kining balak lang usay akong ipasa sa Literary Editor. Salamat.

 

Edgar

pinay mangatkatay <pinay_mangatkatay@...> wrote:

sIR eDGAR, salamat kaau sa imong paggiya. gikahinabi ko na si sir juanito "johnny" jabat nga among publisher ug nagkanayon siya nga ok ra daw as long as ibutang nga "namantala na usab ang maong artikulo sa BANAT NEWS" aron usab kuno kapasidunggan ang among sister tabloid. unsa may huna-huna nimo niani sir ed?

 

ni-a diay koy balak pwede kani lang usa, dedicated to the barangay captain of paril, cebu city nga maabi-abihon kaayo namo sa freeman sa among pagsusi sa ilang barangay kon aduna ba gayud potential mamahimong eco-tourism site. medyo naanod lang kos pagka melodramatic tungod sa kalinaw sa akong hunahuna sa dihang nag camp out mis eskuylahan......

 

aduna koy pito na ka artikulo sa mga bisrockers....ang ako diay nga tibook pangalan:

 

MARIA ELEANOR ELAPE VALEROS

c/o Editorial Department (Newsroom)

The Freeman, V. Gullas St., 6000 Cebu City

 

ang balak:

 

Anino sa mga dahong nagbad-ay bad-ay, nagsinukmatay, nagsinungogay, nagsinapnayay, ug nagtinandayanay sa yuta sa barangay Paril

Tinagik ni Maria Eleanor Elape Valeros

 

Libuan ka anino sa nagpaninggit nga dahon

miparayeg sa sabakan ning yutang kulonon

mihiyod-hiyod tinayhupan sa hanging aya-ay

sa lunhaw'ng balili mapangahasong mitanday.

 

Buot mopasapnay, namugos makiglambigit

nagpangislo sa di matukib nga agulo'g panampit

midason pagsarap sa mga bitoong nangahagtak

mipupho sa mga tipaka sa gipanday kong balak.

 

Sa langit kuli nang motabas ang maikogong dag-om

ang kilat dili na mohadla sa pagtipas sa sawumsom

panganod wa manungog sa paglumos sa mga bitoon

pagbugalbugal nakawang kay ang dalugdog nahilom.

 

Sapnayon sa mga anino ang napukang kahayag

sapupuhon sa mga bukton ang nagtingang lamdag

kalimtan ang pangindahay nga sa yamog hunaran

ang samad nga namugna sa dughan sa kalikupan.

 

May huning midunggab sa kahilom nga makabungog

mga anino mikaransay sa dinagaang ug tinagubtob

ang taknaan sa panahon mipunting sa kamatuoran

dahon mosala'g mohaya ning abog sa kawanangan.

Innocencio Dalisay <egaytalipsaimb@...> wrote:

Pinay,

 

Sa amo diri, kay nagtinguha lagi ta nga makatabang og ginagmay in molding our Cebuano culture, way sapayan namo kon napatik na ilabi na kay artikulo lang. Hinuon, mas maayo gyod unta kon wa pa mapatik sa lain. Nindot man god kuno nang kitay makauna. Hehe!

 

Ang laing kuwestiyon sab nuon ana kon OK ba kaha sa inyong kompaniya nga itampo nimo diri imong sinuwat. Pero aron dili dayag, mahimo man nga i-reconstract lang nimog gamay unya usbon ang ulohan. Kasagaran nuon dinhi sa Pilipinas, ang author man gyoy may dakong katungod sa iyang sinulat, ang mga publikasyon, sa ilang pagbayad, may right to publish lang, gawas sa duna gyoy written contract. Wa man magpasabot nga kay na-publish na, ilahon na sa nag-publish ang atong sinuwat.

 

Ang laing angay masusi nimo mao ang imong employment status, kon gitugotan ka ba sa imong kompaniya nga maka-contribute sa laing publication.

 

Basta kami, kon imo nang itampo, amo nang ipatik. Basta kana lang pong bahin sa ato, iyawat sab nga makatabang ta pagpromote sa ginagmayng dungog sa mga Bisdak. Ang bayad namo sa feature article P500.00. Mahimong ngalan nimo ang byline, mahimo sag pen name lang. Agad lang nimo.

 

Kon OK ra gani diha, ipadala lang. Ipahibawo ko ra unya ang eskedyul.

 

Si Edgar diay ni, Day Pinay. 

pinay mangatkatay <pinay_mangatkatay@...> wrote:

sir, magpasalamat jud kog dako kon ma publish shas bisaya mag kay dugay na jud ko ganahan mosuwat sa bisaya pero naa man ko work sa freeman sir, napalit na nis philippine star. ok ra na sha nga napublish naman ni shas banat news, among sister tabloid. nya ok ra na sha na mogamit gihapon kos akong true name? di man gud ko solved anang pen name, nya kon ipublish pud sir naa koy honorarium? or free lang sha (morag open to contribution bah)...i advise sa ko sir kay daghan na baya ko diri ug materials mga local indie bands, bisrock or bisaya rock ang music genre nga akong gipang binisaya. pero napublish na lang. thanks kaau sir sa imong pagtagad.....

Innocencio Dalisay <egaytalipsaimb@...> wrote:

Pinay,

 

Sori kaayo nga karon lang ko makasusi aning imong giposte nga pamalihog. Unsaon lagi, bisi man imong Lolo.

 

Buyno, sa akong tan-aw, maayo na mang pagkahan-ay ning artikuloha gawas lang sa pipila ka pulong nga korehianan.

 

Ug kay bahin man diay ni sa usa ka alternatibong banda diin dakog kalambigitan sa kulturang Bisaya, haiy kaayog i-send ni sa among adres sa Bismag, ang bisaya_manilabulletin@.... aron among ma-feature. Ipadala lang sab ang mga retrato nga magamit, kanang tin-aw og kuha. Palihog sab paghatag sa imong cell aron kon duna miy ipangutana o buot tin-awon, makontak ka dayon.

 

O, ok ba?

 

pinay mangatkatay <pinay_mangatkatay@...> wrote:

mamalihug unta ko kon naay maka review nya hatag nako pointers unsaon nako ma improve ning akong article nga bisdak ... salamat;)

 

Phylum: Gibahig nga “alternative music”

Tinagik ni Maria Eleanor Elape Valeros

Mga hulagway kuha ni Chendrina Villarino Rosaroso

 

Gitawag sila kanhi-ay og “Phylum Prodigals”, matawag og tukmang bansagon alang sa lima ka mga batan-on nga naglarawan sa mga sayop nilang mga panahom sa kinabuhi. Mao kini ang unang pamahayag nga gibuhian sa bandang Phylum – gibahig nga “alternative music”.

 

Apan bisan pa man sa ilang kanhi pagkalatagaw, gipahimug-atan sa lima ang ilang hukom nga susamag tubig mokulit og bag-ong dalan. Sa sulod lamang sa upat ka bulan gikan sa ilang matawag og “reinvention”, ang lima nahimong “Phylum”.

 

Sa mas hingkod nga paagi, ilang giatubang ang hagit nga pinaagi sa musika kansa (nga) nakapatandog kanila ug nakapausab sa dagan sa ilang kinabuhi ug panaghinigalaay (panaghigalaay), mahimo usab kining panig-ingnan sa uban nga walay kalainan kanila nga gibukotan sa mga nagkadaiyang matang sa mga suliran.                                                                                                                                                                    Silang Ian Raye Biñan (vocalist, computer engineering student sa Cebu Institute of Technology), Charleston Miparanum (lead guitarist, BS Law graduate sa University of the Visayas), Ariel Junald Corcuera III (rhythm guitarist, marine electronics technology stude at the Cebu Technological School), ug ang magsoon nga silang Anthony “Nene” Talledo (bass guitarist), ug Josephus “Jojo” Talledo (drummer), susamang tinun-an sa nautical science sa University of Cebu) mao ang tingog ug ritmo nga nagpaluyo sa Phylum, kansang carrier track nag-ulohan ug “Palagot sa Contra”,  ug laing mga kanta sama sa “Left Me, Luisita, Time Machine, E2Y-E2Y, Txtmyt, I’m Sorry, Scandal, Keep and Kaibigan”.

 

Ang Palagot sa Contra ug ang E2Y-E2Y nakadawat na ug ubay-ubay nga airplays sa 93.1 Smash FM dinhi sa dakbayan. Ang pundok mao ra usab ang niprodyus sa ilang album nga may susamahang ulohan sa pangalan sa banda.

 

Gibitbit gayud sa lima ang taxon nga “phylum” nga may kahulogan nga “classification of life”. Ang pundok mibahig ug mga himno ug katugbang niining mga hubad. Gihugpong kini sa usa ka sistema sa pagkahan-ay nga nagbatbat sa mga tingusbawan nga makagama ug napulo ka kanta kansa kapanalaminan sa ilang mga kinabuhi ug ang katakos sa musika nga makahatag ug damlag.

 

Bisan pa man ug nagkadaiya ang ilang mga kasinatian, ang hibla sa musika nagkutay kanila, nakahikap ug nakapatandog, nakapaalim ug samad, ug nakapaamgo sa dakong kamahinungdanon niining hinulaman tang kinabuhi.

 

Ang mga sakop sa Phylum magsoon ug “ka-berkz” (short message lingo sa barkada) nagkauban ug usa ka silinganan, nagdungan pagdako maong matawag ug magkatalirongan. Kini nagpasabot lamang nga naila na nila ang matag usa kanila gikan pa sa pagkabata. Kining maong gitawag ug panaghugpong kon “bonding” maoy nakapaaghat nila nga seryosohon na nga patumanan ang ilang kamahiligon sa paggaray-garay ug kanta ug ngadto sa pagpasundayag.

 

 Pahayag pa ni Ariel “Like most struggling musician-performers, we had our share of being booed, sneered, and jeered at, like in Plaza Independencia, the most cruel of all venues.”

 

Apan salamat sa inspirasyon nga gihatag sa uban kanila kansa may mga ginikanan nga mahiligon usab sa awit, napatumanan nila ang ilang kaugalingon nga palamboon ang ilang “musical inclination”.

 

“Sa una boo-han mi kay mokanta mi ug Binisaya. May gani karon nausab na ang trend. Singgitan na sad mi nga Bisaya na puy tukaron,” nagkanayon ang umaabot nga manlalaban nga si Charleston.

 

Ang album sa Phylum gilusad na sa 93.1 Smash FM pipila ka adlaw gikan sa pakighimamat ning tagsulat sa lima diha sa tugkaran sa karaang balay sa mga kaliwatan ni Charleston sa Bontores, Basak, ning dakbayan sa Sugbo.

 

Si Charleston midalit ug sampol sa iyang gisuwat nga kanta, ang “Keep” nga may kalabutan sa panaad nga magmahal, mounong, ug mahigugma sa kanunay nga maoy kinahugyawan sa tanang mga mananoy niyang mugna kay kuninitan man gayud kini sa mga gitawag ug “incurable romantics”. 

 

Ang “Txtmyt” lingaw kaayong miatake sa mga minyo nga sige pa ug pailad sa mga mangingilad sa text. Samtang ang “Luisita” naghisgot may kalabutan sa pamayhon sa usa ka babayeng laksot nga nakatrato ug ambongan. Sa dihang nahibaw-an ang hinungdan kon nganong daw sa nidukot ang lalaki sa babaye, nakita nga adunay maanindot nga taras si Luisita - ang kabulawanon sa iyang kasingkasing. Samtang, ang carrier track “Palagot sa Contra” may kalabutan sa “pasuya” taliwala sa mga kanhi managhinigugmaay nga karon nakakaplag na ug bag-ong minahal.

 

Tungod sa naghitak nga ilegal nga pagpangopya ug mga kanta, mas gipili sa Phylum nga iapud-apud na lang ang ilang album sa direkta nga paagi. Mapalit kini P150 matag CD gikan ni Tonton sa numero isip 09102637096. Ang album may tatak nga “Nostalgic Content”, samtang ang album cover graphics design niini nga tribal-inspired gipahaum ni Roel Rosario sa Cyberwheltz. – Tinagik ni Maria Eleanor Elape Valeros, mga hulagway kuha ni Chendrina Villarino Rosaroso

 

                                     

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

blackqiuwei <blackqiuwei@...> wrote:

Maayong adlaw kaninyong tanan,

Usa ako sa liboang Sugbuanon nga mahilig mobasa ug BISAYA sukad pa
sa akong pag eskuyla sa elementarya (murag mao ni ako gi praktisan
ug basa sa una - hehe). Nalipay kaayo ko nga naa na diay ni sa
internet. Mabuhi ang pinulungang BISAYA.

-blackqiuwei
--- In bisaya_readers@..., "Vincent `Bentong` S.
Isles" <bentong_isles@y...> wrote:
>
> Pinay,
>
> Puyde kang makigkita nako. Naa ako nakabase sa Sugbo. Mahimo mo
akong
> makontak sa akong selpon number 09225246675, bisan kon dili ko
dali
> makatubag tungod kay pangitaon ang signal sa SUN. Si Bay Egay ug
Bay
> Tomas sa Manila man nagbase.
>
> Day maayo unta diay kon makatabang ka sa Sinugboanong Wikipedya
> <http://ceb.wikipedia.org/> Makasulat kag mga artikulo didto nga
> magdala sa imong ngalan.
>
> --Bentong Isles
>
> P.S. libro = lumpinid
>
>
>
> --- In bisaya_readers@..., pinay mangatkatay
> <pinay_mangatkatay@y...> wrote:
> >
> > daghang salamat sa inyong pagkugi pagtubag sa akong pangutana.
diri
> lang tingali kos kinadul-an, sa San Carlos ug dili ba hinoon adto
ni
> manlalaban Addy. Kay kon tuyoon ko pa ang Diliman, mahurot ang
akong
> kinitaan sa pamelete (hee-hee) ug kon sa Hawaii, sus basin ug
> ikaprenda ko pa ang akong siez metros quadrado nga luna sa sam-ang
> Katoliko (hee-hee napud!)...salamat ug dako sad sa suhestiyon nga
> magpasakop sa Dagang, yuna pa...asa man na dapita? Ugma diay sa
> adlawng Tingburukad, adunay ipahigayon sa SWU nga launching sa
Suhot
> ni Leonilo Estimo. naglibog lang jud ko unsa may Sugbuano aning
> launching? ug libro? ...... - pinay_mangatkatay
> >
> > "Vincent `Bentong` S. Isles" <bentong_isles@y...> wrote:  --- In
> bisaya_readers@..., Tomas Sumakwel
> > <titoitsoy@y...> wrote:
> > >
> > > Pinay,
> > >   Ang Ludabi dili basahonan (library). Usa kini ka kapunongan
sa
> > mga magsusulat. Kon nangita ka sa mga sinulat ni Domingo
Estabaya,
> > suwayig adto ang Cebuano Studies Center sa University of San
Carlos
> > kay ilang gipang-index ang sinulat sa mga Bisayang magdadagang.
> > >   
> > >   Puyde pod nga moari ka sa buhatan sa Bisaya ug ikaw maoy
> mangukay
> > sa sinulat ni Estabaya. Ang bantogan niyang sinulat mao tong
> pagsulat
> > niya sa sugibuhi (biography) sa mga magsusulat. Duna pod siyay
> > politikanhong lindog kaniadto.
> > >   
> > >   Puyde pod nga moadto ka sa University of the Philippines-
> Diliman
> > kay naa pod silay payl niini.
> > >   
> > >   Ang University of Hawaii naa usab.
> > >   
> > >   Tomas
> >
> > Pinay,
> >
> > Mahimo usab nimo makontak si Atty. Adelino Sitoy, kanhi mayor sa
> > Cordoba ug karon dekano sa kinatumhaan sa pamalaod sa UC. Siyay
> > mahimong magtudlo kanimo asa na ang LUDABI.
> >
> > Apan imbes nga LUDABI, nganong dili ka na lang magpasakop sa
Dagang
> > Foundation, Inc.? Si Bay Tomas, ako, ingon man si Bay Edgar mga
> sakop
> > ning maong kapunongan sa mga magsusulat dinhi sa Sugbo.
> >
> > --Bentong Isles
> >
> > >
> > > pinay mangatkatay <pinay_mangatkatay@y...> wrote:
> > >     mahimo bang mahibaw.an asa ang pamuhatan sa ludabi dinhis
> > dakbayan sa sugbo ug kon aduna bay mabasa nato dinha nga mga
> sinulat
> > ni d.m.estabaya? salamat...
> > >   
> > >   pinay_mangatkatay;)
> > >
> > > Tomas Sumakwel <titoitsoy@y...> wrote:
> > >     Chilly,
> > >   
> > >   Dayon sa gingharian sa mga magsusulat, apisyonado sa
panulat,
> ug
> > hilig og binisayang hisgot. Ang imong artikulo, taligawas na sa
> > bisaya.
> > >   
> > >   Tomas
> > >
> > > loulouachilly <loulouachilly@y...> wrote:
> > >   hello\!!!! im new here!!! i,m hoping na daghan ko ug matun-
an
> > dinhi
> > > nga grupo....but I know for sure nga ubay-ubay gyud...
> > >
> > >
> > >
> > >
> > >
> > >  
> > >    
> > > ---------------------------------
> > >  
> > > What are the most popular cars? Find out at Yahoo! Autos
> > >
> > >  
> > >    
> > > ---------------------------------
> > >   Yahoo! Photos
> > > Ring in the New Year with Photo Calendars. Add photos, events,
> > holidays, whatever.
> > >  
> > > ---------------------------------
> > >   Yahoo! Groups Links
> > >    
> > >    To visit your group on the web, go to:
> > > http://uk.groups.yahoo.com/group/bisaya_readers/
> > >    
> > >    To unsubscribe from this group, send an email to:
> > > bisaya_readers-unsubscribe@...
> > >    
> > >    Your use of Yahoo! Groups is subject to the Yahoo! Terms of
> > Service.
> > >
> > >  
> > >
> > >
> > >            
> > > ---------------------------------
> > >  Yahoo! Autos. Looking for a sweet ride? Get pricing, reviews,
&
> > more on new and used cars.
> > >
> >
> >
> >
> >
> >
> >  
> > ---------------------------------
> >   Yahoo! Groups Links
> >    
> >    To visit your group on the web, go to:
> > http://uk.groups.yahoo.com/group/bisaya_readers/
> >    
> >    To unsubscribe from this group, send an email to:
> > bisaya_readers-unsubscribe@...
> >    
> >    Your use of Yahoo! Groups is subject to the Yahoo! Terms of
> Service.
> >
> >
> >
> >
> >            
> > ---------------------------------
> >  Yahoo! Autos. Looking for a sweet ride? Get pricing, reviews, &
> more on new and used cars.
> >
>

---

Relax. Yahoo! Mail virus scanning helps detect nasty viruses!

---

Yahoo! Mail
Use Photomail to share photos without annoying attachments.

---

Relax. Yahoo! Mail virus scanning helps detect nasty viruses!

---

Yahoo! Mail
Use Photomail to share photos without annoying attachments.

---

Yahoo! Travel
Find great deals to the top 10 hottest destinations!

---

New Yahoo! Messenger with Voice. Call regular phones from your PC for low, low rates.

---

New Yahoo! Messenger with Voice. Call regular phones from your PC and save big.

---

New Yahoo! Messenger with Voice. Call regular phones from your PC for low, low rates.

---

Yahoo! Messenger with Voice. PC-to-Phone calls for ridiculously low rates.

---

All-new Yahoo! Mail - Fire up a more powerful email and get things done faster.

---

Do you Yahoo!?
Get on board. You're invited to try the new Yahoo! Mail.

---

Talk is cheap. Use Yahoo! Messenger to make PC-to-Phone calls. Great rates starting at 1¢/min.

---

How low will we go? Check out Yahoo! Messenger’s low PC-to-Phone call rates.