Bay Egay,

Hehehe...mora bitawg nahibalik ta sa sabakan sa atong INAHANg pulong.

Bay Akoy

Innocencio Dalisay wrote:

Ang "sab" ug "sad" maoy shortcut sa "usab" ug "usad". Mao usab ang "upod" ngadto sa "pod". Kini sila mahimong baylo-bayloon ra paggamit sanglit mga baryasyon man lang, variants.

 

Pareho ra sad ni sa "Maora og" into "morag", "ugod" into "god", "gayod" or "gyod".

 

Ang dili mabaylo-baylo mao ang KUN ug KON.

Ang KUN mao ang OR sa Iningles: "kapin kun kulang" "more or less"

Ang KON mao ang IF sa Iningles: "Kon ako pay ikaw." "If I were you."

 

Ang OG usa ka artikulo: "Mopalit ko OG pan."

Ang UG usa ka conjunction: "Si Juan UG si Pedro".

 

Alegre ning magtuon tas Binisaya kay mora gyod tag mibalik sa greyd wan, sa? Hehe!

 

Na hala, sa sunod na pod ang uban.

 

Manoy Egay

pinay mangatkatay <pinay_mangatkatay@...> wrote:

ako sad sir apila ko ana....pero asa man namo ipadala ang bayad? nya kani pung paggamit sa "sad" ug "sab"....ang akong nahibaw-an Mindanao ang mogamit ug "sab"

Innocencio Dalisay <egaytalipsaimb@...> wrote:

Dear Yaghak,

 

Sa tinuod lang, mao kanay problema nato kay ang mga pagtuon sa atong pinulongan wala pa kaayo matagad ug wala pa malibro. Duna koy mga sinulat kabahin sa gramar apan dili sab daghan, pipila lang ug wala pa ma-organize into a book form.

 

Hinuon, bahin sa Cebuano spelling, puyde nimo maduaw ang http://ceb.wikipedia.org/ ug pangitaa ang Mga Lagda Sa Paggamit Sa O ug U.

 

Dia say libro ni Atty. Kilaton, ang Binisaya-Sinugboanon Nga Batadila, apan dili pa for sale. Mahimo nuon natong ipaseroks, kon imong gastohan. Tingali mga P200 pesos maigo na aning entiro libro. Apili na lang sad palihog og para pang-LBC aron ikapadala nako nimo.

 

Tuod, hain ka man karon mag-base?

 

Kon okey ra nimo ang mga electronic file sa pipila nako ka mga sinulat, mahimo tikang padad-an dinhi.

 

Kini lang una,

 

E.S. Godin

yaghak <yaghak@...> wrote:

gusto lang ko nga mahibalo kong aduna bay basahon nga nagtudlo unsaon
paggamit ug paghan-ay sa binisaya nga mga pulong--.
kay sukad pa sa akong pagkahimugsu wala gayod ako maka kita ug basahon
ni makabasa mahitungod sa paggamit ug sakto nga binisaya (grammar)
busa ug aduna may usa ninyo dinhi nga nahibalo mahitungod niini
palihug tabangi ako ninyo kay gusto kaayo nako nga pagatun-an ang
akong lumad ug namat-an nga pinulongan.daghang salamat. magahulat ako
ug balos ning maong pakisusi.

---

Talk is cheap. Use Yahoo! Messenger to make PC-to-Phone calls. Great rates starting at 1¢/min.

---

Get your email and more, right on the new Yahoo.com

---

How low will we go? Check out Yahoo! Messenger’s low PC-to-Phone call rates.