Plusendo el la retlisto [lingva-demokratio]:
-------------------------------------------


LANCXO DE EEU AGADO POR LA EUXROPA-PARLAMENTAJ BALOTOJ 2004

Karaj Esperantistoj de Euxropo,

Meze de junio elektigxos nova Euxropa Parlamemto, la unua kiu havos
deputitojn el la 25 landoj de la pligrandigita Euxropa Unio. De Malto
al Finnlando, de Cipro al Irlando kaj de Slovenio al Svedio 450
milionoj da Euxropanoj elektos siajn reprezentantojn.

La 1-a de aprilo en la nuna Euxropa Parlamemto (EP) kvazaux okazis
miraklo: danke al samideano Dell'Alba kaj manpleno da helpantoj la
plena EP unuafoje en sia historio vocxdonis por raporto kiu favore
menciis Esperanton, kaj 120 deputitoj, aux 43%, SUBTENIS Esperanton!
Tre kuragxiga novajxo, kaj cxiujn kontribuantojn al tia bonega
rezulto mi elkore gratulas.

Sed sagxuloj diras ke jam tro malfruas, ke la trajno foriris kaj la
angla jam gajnis. Cxu vere? Antaux 100 jaroj la auxto Model T Ford
gajnis; antaux 200 jaroj la franca gajnis; antaux 2,000 jaroj Latino
gajnis. Sed malgraux cxiuj "venkoj", la historio ne finigxis.
Preskaux 90% de la EU-popolo ne parolas angle denaske. Pro tio la
angla NENIAM donos samrajtecon al civitanoj, nek helpos paneuxropan
identecon evolui. Sen euxropa identeco, sen "ni"-sento, la EU
interesigxos nur elitojn kaj cxiam foros de sia popolo. Cxu 90% de
Euxropanoj akceptos eterne suban lingvan statuson, kun politikaj kaj
ekonomiaj sekvoj? Mi forte dubas tion, kaj en tiu dubo kusxas la
sxanco por Esperanto.

Antau 10 jaroj oni primokis la Euxron kiel "Esperanto-monon". Nun tiu
Esperanto-mono estas en la posxoj de pli ol 300 milionoj, kaj farigxis
pli forta ol la usona dolaro. Per tio EU jam montris al la mondo kion
gxi povas fari valute - same gxi povos fari lingve, se gxi volos. La
kreo de tiu volo estas nia takso. Ni uzu la sukceson de la Euxro,
tiom analogia al nia lingvo: neuxtrala euxropa valuto - neuxtrala
euxropa lingvo.

La granda EU-agado favore al malplimultaj lingvoj komencigxis per
EP-rezolucio en 1979. Objektive la anglalingva dominado en EU ne estas
en la intereso de Germanio, Francio, Italio, Hispanio, Pollando ktp.
Ni malfermu iliajn okulojn dum la EP-kampanjo. Kun nur 8% pli ni
havos plimulton en la EP por favora mencio de Esperanto. Tio estas
nur la unua pasxo, sed la pli longa vojagxo komencigxas per unu pasxo.
Nia proksima celo estu EP-rezolucio kia la Dell'Alba-rezolucio,
kadre de protektado de lingva samrajteco kaj diverseco kiuj jam estas
oficialaj celoj de EU. Nia celo estas realisma kaj atingebla - ni
bezonas nur 8% pli!

Ni ne malsxparu tempon per internaj diskutoj, aux ecx per la plej
belaj internaj organizaj aferoj! Ek al la laboro!

Seán Ó Riain

Prezidanto de Euxropa Esperanto-Unio